plus4
پێش ساڵێک
لیوا كاوە غەریب فەرماندەی پۆلیسی كەركوك بە plus4ی راگەیاند: رۆژی 31-12-2022 هەموو هێزە ئەمنییەكانی كەركوك دەخرێنە حاڵەتی ئامادەباشییەوە و لەشەوەكەشیدا لەهەموو ناوچەكانی شارەكە مەفرەزەكانی پۆلیس بڵاودەكرێنەوە و ئەو شوێنانەش دەپارێزن كە ئاهەنگ دەگێڕن.
وتیشی، جگە لەپۆلیس، بڕیارە هێزەكانی ئۆپەراسیۆنە هاوبەشەكانی كەركوك بۆ پاڵپشتی لەشاردا بڵاوبنەوە.
بەوتەی فەرماندەی پۆلیس، تەنها رێگایەك بەهۆی قەرەباڵغییەوە ئەگەری داخستنی هەبێت، بەردەم بالەخانەی پێشووی پارێزگایە.
لیوا كاوە غەریب هۆشداری بە هاوڵاتیان دا خۆیان لەیاری ئاگرین بەدوربگرن چونكە روبەڕووی لێپێچینەوەی یاسایی دەبن و رێوشوێنیان لەدژ دەگیرێتەبەر.
