plus4
پێش ساڵێک
راکان جبوری پارێزگاری کەرکوک بەوەکالەت لەمیانی دیدارێکی تەلەفزیۆنیدا هەوڵەکانی بۆ ئاساییکردنەوەی پەیوەندی لەگەڵ پارتی ئاشکراکرد و وتی: " خەمیس خەنجەر بەحوکمی نزیکی لە مەسعود بارزانی، هەوڵێکی زۆر دەدات تاوەکو پەیوەندی ئێمە و پارتی ئاسایی بێتەوە و لەو چوارچێوەیەشدا هەلێکی بۆ رەخساندین لەماڵی خۆیان لەبەغدا لەگەڵ شاخەوان عەبدوڵا کۆببمەوە."
وتیشی، لەکۆبونەوەکەدا لەسەر چەند تەوەرێک گفتوگۆمان کردووە.
دیدارەکەی راکان جبوری و شاخەوان عەبدوڵا لەبەغدا نهێنی و دوور لەچاوی کامێرا بوە بەو پێیەی هیچ وێنەو راگەیاندراوێکی رۆژنامەوانی لە هەردوولاوە لەسەر کۆبونەوەکە نەبوە.
ئەمە لەکاتێکدایە پارتی لەمیدیاکانێوە بەردەوام راکان جبوری بە سەپێندراو دەزانێت.. کەماڵ کەرکوکی دەڵێت، 12 جار داوای کۆبونەوەی کردووەو رەتمکردووەتەوە.
بەرپرسانی یەکێتیش زۆر جار پارتی تۆمەتبار دەکەن کە لەپێناو مانەوەی راکان جبوری لەپۆستەکەیدا، ئامادە نەبوە بگەڕێتەوە ئەنجومەنی پارێزگا بۆ دانانی پارێزگارێکی کورد.
