plus4
پێش ساڵێک
بەهۆی بۆمبڕێژکردنی دەرگای سەرەکی قوتابخانەیەکی خوێندنی کوردی لەقەزای داقوقی پارێزگای کەرکوک، پرۆسەی خوێندن لەو ناوەندە راگیرا.
پەیامنێری plus4 لەداقوق رایگەیاند: دەرگای سەرەکی قوتابخانەی ( شەهیدان - روناکی ) لەگوندی سنوری تاڵەبانی، لەرێگەی نارنجۆکەوە ئامادەکرابوو بۆ تەقینەوە بەڵام ئاشکرابوو.
وتیشی، کەمێک پێش ئێستا پۆلیس و هەواڵگری داقوق توانیان نارنجۆکەکان پوچەڵ بکەنەوە بەڵام بڕیاردرا بۆ ئەمڕۆ خوێندن لەو قوتابخانە دوو دەوامییە رابگیرێت.
قوتابخانەکە سەر بە خوێندنی کوردییە و دوو دەوامی تێدایە( شەهیدان - روناکی ) زیاتر لە 198 خوێندکاری هەیە، تەنها سێ کیلۆمەتر لەسەنتەری قەزای داقوقەوە دوورە.
