plus4
پێش ساڵێک
مفەوەز حەسەن حامد تاکە رزگاربوی هێزەکەی پۆلیسی فیدراڵییە کە لەناحیەی ریاز کەوتنە بۆسەی تیرۆریستانەوەو ( 9 ) کارمەندیان شەهیدبون.
بەپێی راگەیاندراوێکی وەزارەتی ناوخۆی عێراق، مفەوەز حەسەن بەبرینداری بەرگری کردووەو تیرۆرستێکی کوشتووە بەهۆیەوە میدالیای شەرەف و قارەمانێتی پێبەخشراوە.
لەچەند رۆژی رابردوودا کاروانێکی لیوای دووی فیرقەی ئالی پۆلیسی فیدراڵی، نزیک گوندی سەفرەی ناحیەی ریاز لەباشوری کەرکوک، کەوتنە بۆسەی تیرۆرستانەوەو دوای تەقاندنەوەی بۆمبێک بە یەکێک لەئۆتۆمبێلەکان، کارمەندانی هێزەکە دراونەتە بەر دەسترێژی گولەو ( 9 ) کەسیان شەهیدکراون.
ئەوەش دووەم کردەوەی تیرۆرستییە لەسنوری کەرکوک دوای پەلامارەکەی ناوچەی چیمەن کە بەهۆیەوە چوار سەربازی فیرقەی هەشت شەهیدکران.
