plus4
پێش ساڵێک
دەستەی دەستپاکی عێراق بڵاویکردووەتەوە، تیمێکی نوسینگەی لێکۆڵینەوەی کەرکوکی دەستەی دەستپاکی وردبینی بۆ لیستی خێزانە ئاوەرەکان کردووە کە لەماوەی 1-12-2021 تاوەکو 18-1-2022 لەلایەن لقی کەرکوکی کۆمپانیای دابەشکردنی بەرهەمە نەوتییەکانەوە، نەوتیان بۆ دابینکراوە.
دەشڵێت، لەو ماوەیەدا دوو ملیۆن و 610 هەزارو 410 لیتر نەوت بەسەر خێزانە ئاوارەکاندا دابەشکراوە بەڵام دوای وردبینی و هاوتاکردنی لیستی ناوەکان لەگەڵ ناوەکانی فەرمانگەی کۆچ و کۆچبەران ، دەرکەوتووە زۆرینەی ناوەکان ساختەو نادیارن.
بەپێی راگەیاندراوەکە، بەتۆمەتی بەشداربون لەگەندەڵییەکە، سەرۆک و ئەندامانی لیژنەی دابەشکردنی نەوت لەمەنتوجاتی کەرکوک دەستگیرکراون و دواتر بە بڕی 10 ملیۆن دینار وەک کەفالەت بۆ هەر یەکێکیان، ئازادکراون
