plus4
پێش ساڵێک
جوتیارانی گوندی فەریق لەقەزای داقوق لەدوای دەستدرێژییەکەی ئەمڕۆی عەرەبی هاوردە، لەرێگەی plus4وە پەیامێک ئاراستەی بافڵ جەلال تاڵەبانی سەرۆکی یەکێتی دەکەن و داوا دەکەن لەسەریان بەدەنگ بێت.
جوتیارەکان وردەکاری پەلامارەکە دەخەنەڕوو دەڵێن، زیاتر لە 70 عەرەبی هاوردەی تکریت بە چەکەوە پەلاماریان داین و بەرگریمان لەخۆمان کردووە بەهۆیەوە سەرو کەلاکی بەشێکمان شکاوە.
پارێزگاری بەوەکالەتی کەرکوک و هێزە سەربازییەکان بەلایەنگیری عەرەبی هاوردە تۆمەتبار دەکەن و دەڵێن: دادگای داقوق بەبێ هیچ بنەمایەک 30 دۆنم زەوی کوردی بە عەرەبی تکریت داوەتەوە و ئێستا ئەوان دەستیان بەسەر چوار هەزارو 500 دۆنم زەوی گوندی فەریق گرتووە.
یەکێک لەجوتیارەکان باس لەوە دەکات کە 30 دۆنم زەویی ئەو دراوەتە عەرەب و 230 ملیۆن دیناریش پێبژاردن کراوەو چوار مانگیش خراوەتە زیندانەوە.
ئەمڕۆ لەداقوق، بەهۆی رێگری لەعەرەبی هاوردە بۆ تۆکردنی زەوییەکانی گوندی فەریق، شەڕی دەستەویەخە لەنێوان جوتیارانی کوردو عەرەبی هاوردە رویدا بەهۆیەوە ژمارەیەک جوتیاری کورد برینداربون.
