plus4
پێش ساڵێک
شەوی رابردوو تەرمێکی سوتێندراو لەناحیەی شوان -ی باکوری کەرکوک دۆزرایەوە.
سەرچاوەیەک بە plus4ی راگەیاند: تەرمەکە نزیک گوندی تۆراغ بەدووری چەند کیلۆمەترێک لەسەنتەری ناحیەی شوان دۆزراوەتەوە.
وتیشی، بەپێی پشکنینە سەرەتاییەکان وا دەردەکەوێت تەرمەکە کچێکی تەمەن 16-17 ساڵ بێت، لەئێستادا نەناسراوەو هیچ بەڵگەنامەیەک لەگەڵ تەرمەکەیدا نەدۆزراوەتەوە.
ئەو سەرچاوەیە ئەوەشی خستەڕوو، بەپێی پشکنینە سەرەتاییەکان شوێنەواری فیشەکێک بەسەری کچەکەوەیە کە دواتر بانزین کراوەتە سەریدا و سوتێندراوە.
لەئێستادا تەرمەکە بۆ پزیشکی دادی گواستراوەتەوە و پەڕاوی لێکۆڶینەوە لەتاوانەکە دەستیپێکردووە.
هەفتەی رابردوویش لەدوو شوێنی جیاوازی باکوری کەرکوک، تەرمی خوێندکارێکی زانکۆ و گەنجێکی دانشتووی ناحیەی پردێ دۆزرانەوە.
پۆلیسی کەرکوک دڵنیایی دەدات لێکۆڵینەوەکانیان بۆ دۆزینەوەی ئەنجامدەرانی تاوانەکان دەستپێکردووەو سەرەداوی باشیان بەردەست کەوتووە.
