plus4
پێش ساڵێک
بەیانی رۆژی شەممە 26ی تشرینی دووەمی 2022، ئۆتۆمبێلێکی کۆمپانیای نەوتی باکور لەنزیک گەڕەکی شۆراو هاوڵاتییەک دەشێلێت بەهۆیەوە گیان لەدەستدەدات.
حەکیم حەمەڕەش ( 53 ساڵ ) ئەو هاوڵاتییەی لەروداوەکەدا گیانی لەدەستدا، خێزاندارە و باوکی چوار منداڵە.
حەکیم، نزیکەی حەوت ساڵ بوو کەرکوکی بەجێهێشتبوو، ماوەی پێنج مانگ بوو مافی پەنابەرێتی لەکەنەدا بەدەستهێنابوو.
فیدراسیۆنی پەنابەرانی عێراق لەو بارەیەوە دەڵێت، حەکیم حەمەڕەش ماوەی شەش ساڵ لەتورکیا مایەوە، تاوەکو پێنج مانگ پێش ئێستا لەگەڵ خێزانەکەیدا مافی پەنابەرێتی کەنەدای وەرگرت.
چەند رۆژێک بوو بەسەردان گەڕابوەوە شاری کەرکوک بۆ دیداری کەسوکاری.
