plus4
پێش ساڵێک
بەفەرمانی وەزیری بەرگری عێراق، 139 ئەفسەری باڵا لەپۆستەکانیان دوورخراونەتەوەو رەوانەی ئومرەو بەڕێوەبەرایەتییەکان و وەزارەتی بەرگری کراون.
بەپێی ئەو بەڵگانەی لەژێر دەستی plus4دایە، بە فەرمانێکی کارگێڕی کە 24ی ئەم مانگە دەرچووە، عەلی فازڵ فەرماندەی ئۆپراسیۆنە هاوبەشەکانی دیالە لەپۆستەکەی دوورخراوەتەوەو گوازراوەتەوە بۆ ئومرەی وەزارەتی بەرگری.
عەلی فازڵ، فەرماندەی پێشوی رۆژهەڵاتی دیجلەیە کە لەسەروبەندی 16ی ئۆکتۆبەر لەکۆنگرەیەکی رۆژنامەوانیدا رێگەی نەدا فەرماندەی پێشوتری پۆلیسی کەرکوک بەکوردی قسە بکات.
ماوەیەک پێش ئێستاش بڕیاریدا بەدەرچونی هێزەکانی پێشمەرگەو ئاسایش لەخانەقین، بەڵام دواتر بەهەوڵی یەکێتی بڕیارەکە هەڵوەشێندرایەوە.
