plus4
پێش ساڵێک
دوای ئەوەی لە 24-7ی ئەمساڵ بەبڕیاڕی بەڕێوەبەری گشتی تەندروستی کەرکوک گۆڕانکاری لەدیزاینی مۆڵەتە تەندروستییەکان کرا و زمانی کوردی لەسەر لادرا، دوو فەرمانبەری کوردی فەرمانگەکە گەورەترین شەڕی بەرگریان لەگەڕانەوەی زمانی کوردی کرد تا دواجار سەرکەوتووبن لەگەڕانەوەی بۆ سەر کلێشەی مۆڵەتەکان.
ئەوان پشت بەستوو بە ماددەی 4ی دەستوور و یاسا بەرکارەکان، رونکردنەوەیان لەو بارەیەوە ئاراستەی وەزارەتی تەندروستی و دادگا و پەرلەمانتارانی کەرکوک کرد.
دواجار لەوەڵامی نوسراوێکی هۆبەی چاودێریدا، وەزارەتی تەندروستی بڕیاریدا بە بەکارهێنانی زمانی کوردی لەپاڵ زمانی عەرەبی لەسەر مۆڵەتەکان بەو پێیەی دەستور وەک زمانی فەرمی ناساندووێتی.
