plus4
پێش ساڵێک
بافڵ جەلال تاڵەبانی سەرۆکی یەکێتیی نیشتمانیی کوردستان لە بەغدا لەگەڵ ماتیۆ مەکفارلان، فەرماندەی گشتیی ھێزەکانی ھاوپەیمانان لە عیراق و سوریا کۆبوەوە.
لە کۆبوونەوەکەدا بافڵ جەلال تاڵەبانی داوایکردووە پێشمەرگەو سوپای عێراق و هاوپەیمانان هاوکاری یەکتربن بەتایبەت لە ناوچە جێناکۆکەکان کە بۆشایی ئەمنی تێدایە لەپێناو پاراستنی ئارامی و ئاسایش لە وڵاتدا.
راشیگەیاندووە، هەوڵەکان بۆ رێکخستنەوەی هێزی پێشمەرگە بەردەوامە و لەو چوارچێوەیەشدا چەند لیوا و یەکەیەکی سەربازی لە مەشقی چڕ و بەردەوامدان. داواشی لە هێزەکانی هاوپەیمانان کرد لە هاوکارییەکانیان بۆ هێزی پێشمەرگە بەردەوامبن لەپێناو زیاتر بەرەوپێشچوونی توانا سەربازی و تەکنیکییەکانی هێزەکە.
