plus4
پێش ٢ ساڵ
نێرگز قادر رۆژنامەنوس و چالاکوانی بواری ژنان بە plus4ی راگەیاند: سەنتەرێک بۆ داڵدەدانی ژنانی بێ داڵدە لەکەرکوک دروستکراوە بە بەبیانووی جۆراوجۆر کردنەوەی دوادەخرێت.
وتیشی، دوای بنکۆڵکاری ورد دەرکەت ھیچ بیانوویەک بۆ نەکردنەوەی نییە ، جگە لەوەی پارێزگاری بەوەکالەتی کەرکوکە کە باوەڕی بە مافەکانی ژنان و کێشەکانیان نییەو لەکردنەوەی ئەو سەنتەرە دەترسێت و ڕێگری لێ دەکات.
ئەوەشی خستەڕوو کە دەنگی ژنان و رێکخراوەکانی ژنانی لەکەرکوک گەیاندووەتە نووسینگەی یۆنامی لە عێراق و کوردستان و (جینین پلاسخارت)ی نێردەی نەتەوە یەکگرتووەکانشی بەتایبەت لەو پرسە ئاگادارکردووەتەوە، لای خۆیانەوە بەڵێنیانداوە بەدواداچوونی ورد بۆ بابەتەکە و چارەسەرکردنی بکەن .
