plus4
پێش ٢ ساڵ
شێرزاد رەشید کاکە بەڕێوەبەری خوێندنی کوردی لەکەرکوک پەیامێک ئاراستەی کارگێڕی خوێندنگەکان دەکات و داوا دەکات رێگری بکەن خوێندکاران لەژێر هیچ پاساوو فشارێکدا بەشداری چالاکی تایبەتی هیچ گروپ و رێکخراوێک بن.
نەژاد نەجم رێکخەری فێستیڤاڵی نێودەوڵەتی شانۆی شەقام لە کەرکوک بە plus4ی راگەیاند: بڕیارەکەی بەڕێوەبەری خوێندنی کوردی هیچ فەرقی نیە لەگەڵ بڕیارەکانی شۆڤینییەکی وەک راکان جبوری چونکە بڕیارەکە تەنها بۆ کۆشتنی جوانییە.
وتیشی، رەزامەندی پەروەردەی گشتی کەرکوک و بەرپرسی چالاکییەکانی پەروەردە وەرگیراوە، دەبوو سبەی 50 خوێندکاری قوتابخانەی شەهید ڕەنگین بەشداربن لە دەستپێکی فێستیڤاڵی نێودەوڵەتی شانۆی شەقام وەک لێژنەی پێشوازی و کەژاوی هونەری تاکو ڕویەکی جوانی کەرکوک پشان بدەین.
پێشتریش رێگری لەهاتنە ژورەوەی وەفدە بیانییەکانی فیستیڤاڵەکە کرا بۆ نێو کەرکوک، راکان جبوری پارێزگاری بەوەکالەتی کەرکوکیش پاساوی رێگرییەکەی بۆ وەرنەگرتنی فیزای عێراق گەڕاندەوە.
