plus4
پێش ٢ ساڵ
رۆژی پێنجشەممە 27-10-2022 دادگای تاوانەکانی کەرکوک سزای لەسێدارەدانی دەرکرد بۆ یەکێک لەبکوژەکانی ( رێبوار محەمەد ئەمین ) کارگێڕی کۆمیتەی پەنجاعەلی یەکێتیی کە سەرەتای مانگی نیسان کوژرا.
رۆژی دووی نیسانی ئەمساڵ لەگەڕەکی پەنجاعەلی شاری کەرکوک، لەلایەن دوو سەرنشینی ماتۆرسکیلێکەوە تەقە لە ( رێبوار محەمەد ئەمین ) کرا و کوژرا، دوای شەش روژ لەتاوانەکە، پۆلیسی نەهێشتنی تاوانەکانی کەرکوک بەشی عروبە دەستگیرکردنی بکوژی سەرەکی راگەیاند، بەڵام هاوبەشی دیکەی تاوانەکە هەڵات.
هەر ئەوکاتیش مەڵبەندی کەرکوکی یەکێتیی لەبەیاننامەیەکدا دڵنیایی دایە کەسوکاری کادرەکەی کە لەگەڵ لایەنی پۆلیس لەسەر ھێڵن بۆ دۆزینەوەی تاوانباران تاوەکو دەستگیربکرێن و بەسزای یاسایی بگەن.
