plus4
پێش ٢ ساڵ
راگەیاندنی شارەوانی کەرکوک بڵاویکردووەتەوە، د. لەتیف رەشید سەرۆک کۆماری عێراق لەمیانی پێشوازیکردنی لە فەرەیدون عادل وەیس بەڕێوەبەری شارەوانی، بەڵێنیداوە لە ئایندەیەكی نزیكدا سەردانی کەرکوک بکات و لەنزیکەوە لەکەم وکوڕی وپێداویستییەکانی شارەکە بکۆڵێتەوە.
بەپێی راگەیاندراوەکە، لەکۆبونەوەکەدا بەڕێوەبەری شارەوانی كەركوك بەتێروتەسەلی باسی لەو کێشانە کرد كە شارەوانی بەدەستییەوە دەناڵێنێت و ئاماژەی بە كەمكردنەوەی بودجەی تایبەت بۆ پاككردنەوە شارەکە لە ماوەی ساڵانی رابردوودا کردووە كە كاریگەری خراپی لەسەر واقیعی خزمەتگوزاری هەبووە .
