plus4
پێش ٢ ساڵ
عەقید عامر نەریمان وتەبێژی پۆلیسی هاتووچۆی كەركوك رایگەیاند: هەفتەیەكە سستمی هەزەو توندوتۆڵی ئۆتۆمبێل دەستیپێكردووە و سەرەتاش ئەو ئۆۆتمبێلانە دەگرێتەوە كە ساڵنامەی تەواو بوە یاخود ئەوانەی دەیانەوێت جۆرەكەی لەتایبەتەوە بۆ تاكسی بگۆڕن و بەپیچەوانەوە.
وتیشی، نرخی هەزەكە 30 هەزار دینارە و بۆ ماوەی ساڵێكە و لەدوای تەواوبونی ماوەكەی ئەگەر نوێی نەكەیتەوە روبەڕوی سزاو لێپرسینەوە دەبێت.
وتەبێژی پۆلیسی هاتووچۆ راشیگەیاند: لەتوندوتۆڵیدا پشكینین برێك و جامی پێش و دواوە و تایە و مەكینە و لایت و دەبڵەكانیتی تاوەكو ئۆتۆمبێلەكە و شۆفێرەكەی پارێزراوبن.
عەقید عامر نەریمان ئەوەشی خستەڕوو، هەزەو توندوتۆڵی كەركوك لەپارێزگاكانی دیكەی عێراق پشتی پێدەبەسترێت تەنها لەهەرێمی كوردستان نەبێت، هەوڵدەدرێت هەماهەنگی لەگەڵ هەرێم دروستبكرێت بۆ ئەوەی شۆفێرانی كەركوكی بتوانن مەرجەكانی توندوتۆڵی لەشارەكەی خۆیان بكەن و هاتووچۆی هەرێمیش پشتی پێ ببەستێت.
