پێش ٢ ساڵ
ئەمڕۆ پێنجشەممە 8ی ئەیلولی 2022 دادگای تەمییزی بەغدا، بڕیارەکەی پێشوی دادگای تاوانەکانی کەرکوکی دژ بە ( پەروین محەمەد ) و ( ریاز محەمەد دانوک ) ئەندامانی پێشوی ئەنجومەنی پارێزگای کەرکوک هەڵوەشاندەوە.
سەرەتای مانگی حوزەیرانی ئەمساڵ، دادگای تاوانەکانی کەرکوک بەتۆمەتی " رادەستنەکردنەوەی ئۆتۆمبێل و نوسینگەو کەلوپەلەکانیان کە موڵکی حکومەتە"، بە 15 ساڵ زیندانی چوار ئەندامی پێشوی ئەنجومەنی پارێزگا بەشێوەی غیابی سزادا.
چوار ئەندامەکە بریتیبون لە عیرفان کەرکوکی، ئیدوەر ئۆدیشۆ، پەروین محەمەد و ریاز محەمەد دانوک.
پەروین محەمەد و ریاز دانوک، هەردووکیان ئەندامی لیستی برایەتین و بەنزیک لەپارتی هەژمارەکرێن.. دوای روداوەکانی ئۆکتۆبەری 2017وە کەرکوکیان بەرەو هەولێر بەجێهێشتووە .
