plus4
berî 59 deqîqe
ئەمڕۆ چوارشەممە پۆلیسی گومرگی مەرزی شەلەمچە لە سنوری عیراق و ئێران تۆمەتبارێکیان بە ملیۆنێک و ٣٠٠ هەزار دیناری ساختەوە دەستگیرکرد.
ئاماژە بەوەشکراوە تەواوی پارە ساختەکە لە جۆری ٢٥ هەزار دیناری بووە و ویستویەتی لە ناو خاکی عیراقدا ساغی بکاتەوە.
بە گوێرەی راگەیەندراوەکەی فەرماندەیی هێزەکانی سنوری عیراق پەڕاوی لێکۆڵینەوە بۆ تۆمەتبارەکە کراوەتەوە و رادەستی یاسا کراوە.
ئەمە یەکەمجار نییە لە مەرزی شەلەمجە دەست بەسەر پاری ساختەدا بگیرێت و هەفتانە چەندین تۆمەتبار بە تۆمەتی هێنانی مادی هۆشبەر و پارەی ساختە دەستگیر دەکرێن.
