ئاژانسی هەواڵی plus4
berî 2 saet
شەوی رابردوو دوكانێكی زێڕەنگەر لەناوەندی قەزای داقوق شكێنراوە و یەك كیلۆ زێڕ دزراوە كە بەهاكەی 130 هەزار دۆلارە.
حاڵەتەكە دووبارە بونەوەی حاڵەتی شكاندنی دوكانێكی دیكەی زێڕەنگەرییە لەقەزاكە كە لەمانگی رەمەزاندا رویدا و بەهەمان شێوە كیلۆیەك زێڕ دزرا.
ئەمڕۆ دەزگا ئەمنییەكانی داقوق دەستیان بەلێكۆڵینەوە كردووە لەدزێتییەكە، لەكاتێكدا هێشتا نەیانتوانیوە دزێتییەكەی یەكەم ئاشكرا بكەن.
كەسێكی نزیك لەخاوەن دووكانەكە داوا لە فەرماندەی پۆلیسی كەركوك و دەزگا ئەمنییەكانی تر دەكات، تیمێكی كار بۆ لێكۆڵینەوە لەهەردوو حاڵەتەكە پێكبهێنن و پێی وایە بەهۆی زۆری كامێرای چاودێرییەوە مەحاڵە دزەكان بتوانن خۆیان دەرباز بكەن.
