ئاژانسی هەواڵی plus4
berî 1 saet
ئەو دوو گەنجە برای یەكترن و ناویان ( حەسەن كوردی ) و ( محەمەد كوردی )یـە، لەدایكبوی سنوری پارێزگای سەڵاحەدینن.
كەناڵی عەرەبییە حەدەس لەراپۆرتێكی تێروتەسەلدا، تیشكی خستوەتە سەریان و دەڵێت: حەسەن كوردی، دەستە راستی عەدنان جومەیلی بوە و هەرچی پارە و دۆسییەی هەستیار هەبوە لەژێر دەستی ئەودا بوە.
دەشڵێت: ئەو گەنجە لەپشت پەردەوە كاری كردووە، هەژمونێكی زۆری هەبوە، تۆڕێكی گەورەو فراوانی بەڕێوەبردووە كە كاریان پارەداركردنی كەسایەتییە سیاسییەكان بوە.
بەپێی راپۆرتەكە، حەسەن و محەمەد كوردی برای، لەساتی دەستگیركردنی عەدنان جومەیلی، لەدەرەوەی وەڵات بونە، بەڵام لەو كاتەوە بێ سەروشوێنن و كەس شوێن پێیان نازانێت.
مستەفا سەنەد وەزیری پەیوەندییەكانی عێراق لەپۆستێكی فەیسبوكدا دەڵێت: حەسەن كودی و محەمەد كوردی برای، بەرپرسی لیژنەی ئابوری بریكارە دەستگیركراوەكەی وەزارەتی نەوت بونە و ئێستا بە نیو ملیار دۆلاری دزێتییەوە لەفەڕەنسان.
بەوتەی ئەو وەزیرە، عەلی زەیدی سەرۆكی حكومەت.. سورە لەسەر دەستگیركردنیان و گەڕانەوەی پارەكەش، لەچوارچێوەی ئەو هەوڵانەشدا فەرمانەكانی دەستگیركردنیان رادەستی پۆلیسی ئەنتەرپول كردووە.
لەدوای دەستگیركردنی عەدنان جومەیلی بریكاری پێشووی وەزارەتی نەوت بۆ كاروباری پاڵاوگەكان، 67 كەس دەستگیركراون لەنێویاندا ( سەرۆك حزب، پەرلەمانتار، بریكاری وەزارەت، كەسایەتی و سەرمایەدار )هەن، هەمویان لەو دۆسێیەدا تێوەگلاون.
لەو كاتەشەوە بە دەیان ملیار دۆلار و سەدان ملیار دینار و بڕێكی زۆر زێڕ و خانوبەرەو ئۆتۆمبێل دەستیان بەسەردا گیراوە و گەڕێنراونەتەوە بۆ گەنجینەی دەوڵەت.
