Plus4
berî 1 saet
شەپۆلێکی تری خۆڵبارین و بارانبارین دەستپێدەکاتەوە
سبەی هەینی لەهەندێک ناوچەی عێراق خۆڵبارین دەبێت، لەهەرێمی کوردستانیش پێشبینیی بارانبارین دەکرێت.
لەوبارەیەوە عامر جابری؛ بەڕێوەبەری ڕاگەیاندن و پەیوەندییەکانی دەستەی کەشناسیی عێراق ڕایگەیاند: پێشبینی دەکرێت سبەی هەینی، بایەکی بەهێز لەباکووری خۆرئاوا هەڵدەکات، ئەوەش دەبێتە هۆی دروستبوونی تۆزو خۆڵبارینێکی مامناوەند.
دەشڵێت: کاریگەریی خۆڵباریینەکە زیاتر لەناوچە بیابانییەکان دەبێت و مەدوای بینین 5 بۆ 7 کیلۆمەترو لەناوچەکانی خۆڵبارین دوو بۆ چوار کیلۆمەتر دەبێت.
لەهەمان کاتیشدا پێشبینیدەکرێت لەهەندێک ناوچەی هەرێمی کوردستان باران ببارێت و پلەکانی گەرما چەند پلەیەک دابەزێت.
بەپێی پێشبینیی شارەزایانی کەشناسی، سبەی هەینی بارستە هەوایەکی سارد روو لەناوچەکە دەکات و پلەی گەرما بەراورد بەئەمڕۆ کەمێک دادەبەزێت و لەهەندێک ناوچەش تۆزو خۆڵ دروستدەبێت.
بەرزترین پلەکانیش لەسەرئاستی عێراق و هەرێم بۆ سبەی هەینی بەمشێوەیە دەبن:
- کەرکوک: 40 پلە
- سلێمانی: 35 پلە
- دهۆک و هەولێر: 36 پلە
- نەینەوا: 38 پلە
- سەڵاحەدین: 41 پلە
- دیالەو ئەنبار: 42 پلە
- بەغدا: 44 پلە
- کەربەلاو نەجەف و واست و بابل: 45 پلە
- دیوانییە: 46 پلە
- موسەناو میسان و بەسرا: 47 پلە
- زیقار: 48 پلە
