plus4
berî 54 deqîqe
بۆ شۆفێرانی کەرکوک.. کۆبۆنەکانتان گەڕاوەتەوە
بەرهەمە نەوتییەکانی کەرکوک، ئاگاداری ئەو خاوەن ئۆتۆمبێلانە دەکاتەوە کە ناویان لەم لینکەی خوارەوەدا هاتووە، سەردانی ( وێستگەی کەرکوک السلام - لەچوار ڕییانی شەقامی عبدالرحمان) بکەن بۆ وەرگرتنی کۆبۆنی بەنزین کە لەئەمڕۆ دووشەممەوە دەستپێدەکات.
دەتوانن لەڕێگەی ئەم لینکەوە دڵنیابنەوە لەگەڕانەوەی ناوەکانتان:
ئەمەش ئەو خاوەن ئۆتۆمبێلانە دەگرێتەوە کە داواکارییان بەشێوەی ئەلیکترۆنی پێشکەشکردووەو دابەشکردنی کۆبۆنەکانیش یەک لەدوای یەک دەبێت.
ناوەندەکانی دابەشکردنی کارتی سووتەمەنی لەکاتژمێر 8:00ی بەیانی تا 1:00ی پاشنیوەڕۆ کراوەن.
دەتوانرێت کارتی سووتەمەنی لەهەمان ناوەندەکانی دابەشکردندا چالاک بکرێت لەو کاتژمێرانەی بۆ دەوام دەستنیشانکراون.
لەکاتی وەرگرتنی کارتەکەدا، ئەسڵی و فۆتۆکۆپی بەڵگەنامەی تۆماری ئۆتۆمبێل و پسوولەکە لەگەڵ خۆتد بهێنە.
لەکاتی چالاککردنی کارتەکەتدا، دوای وەرگرتنی ئەم بەڵگەنامە ئەسڵیانەی خوارەوە لەگەڵ خۆت بهێنە:
1- بەڵگەنامەی تۆماری ساڵانەی ئۆتۆمبێل.
2- بەڵگەی نیشتەجێبوون (بطاقة سكن)ی کەرکوک.
3- کارتی بەشە خۆراکی کەرکوک.
4- ناسنامەی باری شارستانی یا کارتی نیشتمانی.
لقی کەرکوکی کۆمپانیای دابەشکردنی بەرهەمە نەوتییەکان، داوا لەخاوەنی ئەو ئۆتۆمبێلانە دەکات پەلە بکەن لەوەرگرتنی کارتی سووتەمەنی.
ئاگاداری شۆفێرانیش دەکاتەوە کە داواکارییەکانیان بۆ دەرچوونی کۆبۆن، بەشێوەی ئۆنلاین وەردەگیرێت.
