Plus4
berî 1 saet
ئەفسەرێکی باڵای پۆلیسی کەرکوک تەوقیف کرا
بەفەرمانی وەزیری ناوخۆی عێراق؛ بەڕێوەبەری پۆلیسی کاروباری ناوخۆ ( شئوون ) لەکەرکوک تەوقیف کرا.
شەوی رابردوو لە وەزارەتەوە پەیوەندی پێوەکراوە کە دەستبەجێ کەرکوک بەرەو بەغدا جێبهێڵێت و خۆی رادەستی ئینزوباتییەی پۆلیس بکات.
عەمید محەمەد عەتییە بەڕێوەبەری شئونی کەرکوک، تۆمەتبارە بە چاوپۆشی و کارئاسانیکردن بۆ هێنانە ژورەوەی کەلوپەلی ماوەبەسەرچوو و بێ مۆڵەت، وەرگرتنی سەرانەو دەیان دۆسییەی تری گەندەڵی.
دەستگیرکردنی دوو کارمەندەکەی شئون لەبازگەی پردێ و دانپێدانانیان، و جوڵاندنی هێز بۆ رزگارکردنیان بەتەواوی دۆخەکەی تەقاندەوە.
دوێنێ پڵەس فۆر راپۆرتێکی بڵاوکردەوە و ئاماژەی بۆ ئەوەکرد کە دۆسییەکە گواستراوەتەوە بۆ نەهێشتنی تاوانی رەسافەو چاوەڕێ دەکرێت فەرمانی دەستگیرکردن بۆ دەیان کەس دەربچێت لەنێویاندا ئەفسەری پلە باڵای کەرکوک.
جگە لە محەمەد عەتییە؛ ئەفسەرێکی دیکەش دەستبەسەرە و چاوەڕێ دەکرێت لەسەر ئەو دۆسێیە خەڵکی زیاتریش دەستگیربکرێن
