plus4
پێش ڕۆژێک
بافڵ جەلال تاڵەبانی؛ سەرۆکی یەکێتیی نیشتمانیی کوردستان، لەبارەی شەهیدبوونی ئاسایشە بریندارکراوەکەی چەمچەماڵ، پەیامێکی بڵاوکردەوە.
دەقی پەیامەکە بافڵ جەلال تاڵەبانی:
لە دڵەوە نیگەران و غەمباربووم بە شەهیدبوونی کاک (ئاكۆ سابیر حەمە ڕەزا) کارمەندی بەڕێوەبەرایەتیی ئاسایشی رۆژئاوای سلێمانی کە لەکاتی راپەڕاندنی ئەرکەکەیدا و بۆ خزمەتکردنی کەسوکاری سەربەرزی چەمچەماڵ بە ناحەق شەهیدکرا.
بۆ ئەم خەمە، پرسەو سەرەخۆشی لە خێزان و بنەماڵە تێکۆشەرەکەیان و هاوڕێ و هاوکارانی دەکەم و هاوبەشی ماتەمیانم. لە خوای گەورە داواکارم گیانی کۆچکردوو بە بەهەشتی بەرین شادبکات، سەبووری و ئارامی بە هەموولایەک ببەخشێت.
کەسوکاری سەربەرزی کاکە ئاکۆ دڵنیا دەکەمەوە پارێزەری پاراستنی مافەکانیان دەبم و بەهیچ شێوەیەک ناهێڵم خوێنی رۆڵەکەیان بەهەدەر بڕوات.
بافڵ جەلال تاڵەبانی
سەرۆکی یەکێتیی نیشتمانیی کوردستان
