Plus4
پێش ڕۆژێک
رەجەب تەیب ئەردۆغان سەرۆک کۆماری تورکیا لە وەڵامی راگەیەندراوێکی بارەگای بارزانی کە بە توندی وەڵامی دەوڵەت باخچەلی، سەرۆكی مەهەپەی دابوەوە رایگەیاند، ئەو لێدوانە بێڕێز و بێسنورانە لای ئێمە پەسەند نین و پێویستە بە زوترین کات ئەو هەڵە گەورەیە راسبکرێتەوە.
ئەردۆگان لە کۆبونەوەی لەگەڵ پەرلەمانتارانی پارت دادو گەشەپێدان وتیشی، وەکو حزب لەلایەن عومەر چەلیک، وتەبێژی پارتی داد و گەشەپێدان و هەروەها لەرێی وەزارەتی دەرەوەش نێگەرانی و ناڕەزایی خۆمان بڵاوکردوەتەوەو داوای ڕونکردنەوە کراوەو دەبێت ئەو هەڵەگەورەیەی بارەگای بارزانی راستبکرێتەوە.
بارەگای بارزانی لە راگەیەندراوەکەیدا، بە توندی وەڵامی دەوڵەت باخچەلی دایەوە و بە ڕەگەزپەرستی و شۆڤینی ناوی بردووە .
ئاماژەی بۆ ئەوەشکردووە ، وامان دەزانی خودا دەوڵەت باخچەلی هیدایەت کردوە و وازی لە ڕەگەزپەرستی و شۆڤینیەت هێناوە، بەڵام دیارە هێشتا گورگە بۆرەکەی جارانە بەڵام ئێستا لە پێستی مەڕدایە.
