Plus4
پێش 7 کاتژمێر
خورشید هەرکی، کەسایەتیی دیاری هەرکی، دوای ئەوەی لەڕووداوەکانی دوێنێی گوندی لاجان هیچ ڕۆڵێکی نەبوو، دوای 24 کاتژمێر پەیامێکی بڵاوکردەوەو هاوشێوەی وەزارەتی ناوخۆی هەرێم پێیوایە ئەمەی ڕوویداوە دەستێکی لەپشتەوەیە، هەرکەس و لایەنێک بییەوێت عەشیرەتی هەرکی بەکاربهێنێت بۆ مەرامی خۆی ئێمە لەوە گەورەترو هۆشیارترین.
دەقی پەیامەکەی خورشید هەرکی:
بەناوی خودای گەورەو میهرەبان
بەپێویستی دەزانم ڕوونکردنەوەیەکی بچووک بدەم، حەزم دەکرد ئەو روونکردنەوەیە بە دەنگ و رەنگ بدەم بەڵام تەندروستیم باش نەبوو لەبەر ئەوە لە چەند دێرێک روونیدەکەمەوە
من وەک خورشید هەرکی دڵگرانم بەو روداوانەی گوندی لاجانی هەرکیان، هەر لە سەرەتای ئەو کێشەیە لەسەر گيل بووم لەگەڵ کەسایەتیەکانی ئێمە و لایەنە پەیوەندیدارەکان بۆ ئەوەی کێشەکە قوڵترنەبێتەوە تەشەنە نەکات، ئێمە وەک و عەشیرەتی هەرکی دەبێت دام و دەزگا ئابووریەکانی هەرێمی کوردستان بپارێزین هەروەک هەمووتان دەزانن لە رابردوو چۆن پاراستمان و پاراستیشمانە بە خوێنی خۆمان.
هەر کەس یاخود لایەنێک بیەوێ عەشیرەتی هەرکی بەکاربهێنێت بۆ مەرامی خۆی ئێمە لەوە زۆر گەورەتر و وشیارترین
چەند کەسێک لەو پاڵاوگە سوودمەندبوونە و ئەوان هۆکاری ئەو کێشەیەن کە گەورە ببێت، ئەگەر پێویست بکات بۆ لایەنە پەیوەندیدارەکان ئەو کەسانە دەستنیشان دەکەین، هەر ئەو کەسانەن بوونەتە هۆکارت ئەو کێشانەی گوندی لاجان، ئەو کێشەیە کێشەیەکی عەشیرەتی نییە و کێشەیەکی یاساییە و یاسا هەیە دەبێت بە یاسا یەکلایی ببێتەوە .
ئەو چەند رۆژە زۆر پۆست لەسەر من بڵاودەکرێنەوە کە بۆ بێدەنگم لە کێشەی گوندی لاجانی هەرکیان، بەڵام بەو کەسانە دەڵێم نەخێر من بێدەنگ نەبوومە من لەسەر هێل بوومە خولەک بە خولەک لەگەڵ خەڵکی گوندی لاجان و لایەنە پەیوەندیدارەکان
ئەو کێشەیە دەبێت یاسا چارەسەری بکات و دووبارەی دەکەمەوە نەیبەنە قالبی عەشایەری.
