plus4
پێش ٢ ساڵ
سوپای پاسداران، سەرۆکی گەورەترین باندی قاچاخچێتی ژنان و کچانی ئێرانی بۆ شاری هەولێر لە عێراق دەستگیرکرد.
بەگوێرەی هەواڵێکی ئاژانسی هەواڵی تەسنیم، سەربازە نەناسراوەکانی ئیمام زەمان (ئاژە) لە ڕێکخراوی هەواڵگریی سوپای پاسداران، سەرۆکی گەورەترین باندی قاچاخچێتی کچانی ئێرانییان بۆ شاری هەولێر دەستگیرکردووە.
دەستگیرکراوەکە ژنە و ناوی زەهرا مەنسوری حەمدانی ناسراو بە (سەرحە) یە.
ئەو ژنە تۆمەتبارە بە هاوڕەگەزبازی و قومارکردن و ساختەکاری و پەیوەندی سێکسیی ناشەرعی و بڵاوکردنەوەیان بە ئۆنلاین.
دەستگیرکردنیشی دوای چەند مانگێک لە بەدواداچوون و چاودێری دێت.
ئەو گروپە لەلایەن دوو کەسەوە بەڕێوەبراوە بەناوی (عەلیڕەزا فەرجەدی کیا) و (کاسی) کە بە هاوکاری (زەهرا مەنسوری حەمدانی) سەدان کچی ئێرانی بردووەتە هەولێر.
بەپێی ڕاپۆرتەکە ئەو ژن و کچانە ژمارەیان زیاتر لە هەزار کەسن لە شاری هەولێر فرۆشراون.
