ئاژانسی هەواڵی plus4
پێش 5 کاتژمێر
پرۆژەی هەژماری من، یەکێک لەبانکەکانی هاوبەشی پرۆژەکەی دوورخستەوە.
دوورخستنەوەی بانکەکە بەهۆی سنووردارکردنی خزمەتگوزارییە بانکییەکانێتی لەلایەن بانکی ناوەندیی عێراقەوە.
لەوبارەیەوە وەزارەتی دارایی هەرێم ڕایگەیاند: لەمەولا بانکی پەرەپێدانی نێوەدەوڵەتی (IDB) بەشێک نابێت لەپرۆژەی هەژماری من، ئەویش بەهۆی سنووردارکردنی خزمەتگوزارییە بانکییەکانی بانکەکە لەلایەن بانکی ناوەندیی عێراق، بۆ مامەڵەکردن بەدۆلار.
ڕوونیشیکردەوە: ئەو مووچەخۆرانەی هەرێم کە ئێستا لەبانکی پەرەپێدانی نێودەوڵەتیی (IDB) تۆمارکراون، لەڕێگەی سەنتەری خزمەتگوزاری پرۆژەی هەژماری منەوە پەیوەندییان پێوە دەکرێت و ئاگاداردەکرێنەوە لەبارەی گواستنەوەی هەژمارەکانیان بۆ یەکێک لەبانکەکانی تری نێو پرۆژەکە.
دەشڵێت: پرۆژەی هەژماری من بەردەوامدەبێت لەکارکردن لەگەڵ حەوت لەبانکە هاوبەشەکەی تریداو ڕێگە بەسوودمەندانی پرۆژەی هەژماری من دەدات لەوەی کارتە بانکییەکانیان لەناوەوەو دەرەوەی عێراق بەکاربهێنن.
