Plus4
پێش 12 کاتژمێر
🔻ئەزانی ئەو ئەمریکییەی لە لالەزار دەستگیرکراوە کێیە؟
عەقید سەلام عەبدولخالق، وتەبێژی دەزگای ئاسایشی هەرێم رایگەیاند: هاوڵاتییەکی ئەمریکی بە ناوی بریان ویڵسن لە شەوی رووداوەکەی لالەزار دەستگیرکراوە.
وتیشی، دووای لێکۆڵینەوە لەگەڵ بریان ویڵسن دانی بەوەدا ناوە، کە خۆی سەربەخۆ و بەبێ ئاگاداری و رەزامەندیی وڵاتەکەی کە ئەمریکایە هاوکار بووە لە مەشق و راهێنانی مەیدانی بە میلشیایەکی چەکداری نایاسایی بە ناوی (هێزی دووپشک)".
عەقید سەلام عەبدولخالق ئەوەش دەخاتەڕوو کە "بریان ویڵسن" وەکو کەسێکی بەکرێگیراو ئەرکی مەشق و راهێنانی سەربازی بووە بەو هێزە و بە بڕیاری دادوەری لێکۆڵینەوەی ئاسایش دەستگیرکراوە و ئێستا لە دەزگای ئاسایشی هەرێمی کوردستان راگیراوە و یاسای بەسەردا جێبەجێ دەکرێت".
بریان ویڵسن؛ پێشتر لەریزی هێزی دەریایی ئەمریکا خزمەتی کردووەو یەکێک لەبەشداربوانی جەنگی گەردەلولی بیابان لەساڵی 1991.
ساڵی 2014 وەک دووەم ئەمریکی خۆی گەیاندە رۆژئاوای کوردستان و هاوشانی یەپەگە لەدژی چەکدارانی د١١عش جەنگا.
