Plus4
پێش 3 کاتژمێر
دەستگیرا بەسەر ژمارەیەک موڵکى کۆمپانیاکانى نالیاو چاڤى و لەزیادکردنی ئاشکرا دەفرۆشرێن
ئەمڕۆ، دەستگیرا بەسەر ژمارەیەک موڵکى کۆمپانیاى نالیاو چاڤى.
لەوبارەیەوە وەزارەتى دارایی ڕایگەیاند: لەزیادکردنێکی ئاشکرادا سەرجەم ئەو موڵکانەی کۆمپانیای نالیاو چاڤی دەفرۆشرێن کەژمارەیان 60 موڵکە.
وەزارەتەکە لەڕاگەیاندراوێکدا دەڵێت: پاڵپشت بەبڕیاری سەرۆکایەتیی دادگای پێداچوونەوەی هەرێم و دەستەی شارستانیی تێهەڵچوونەوە، تایبەت بەیەکلاییکردنەوەی دۆسیەی قەرزەکانی کۆمپانیای نالیا، لەبەرژەوەندی وەزارەتی دارایی و ئابووری کۆتایىهات و تانەی پێداچوونەوەی کۆمپانیای نالیا، ڕەتکرایەوە.
جەختیشیکردەوە کە وەزارەتی دارایی سەرجەم ئەو موڵکانەی کۆمپانیای نالیا و چاڤی دەفرۆشێت کەژمارەیان 60 موڵکەو پێکهاتوون لەچەندین پارچە زەوی و هۆتێل و کافتریاو کابینەی گەشتیاری و چەند موڵکێکی تر.
وەزارەتی ناوبراو ئاشکرایدەکات: فرۆشتنى ئەو موڵکانە بۆ وەرگرتنەوەی سەرجەم قەرزو سوودە کەڵەکە بووەکانە کە لەئێستادا گەیشتووەتە زیاتر لە 91 ملیارو 760 ملیۆن دینار.
ئاگاداری هەرکەس و لایەنێکیش دەکات کە ئارەزوومەندە بەشداری لەزیادکردنەکەدا بکات، دەتوانێت سەرجەم ڕێکارە یاسایی و کارگێڕییەکان جێبەجێبکات و بەشداری لەپرۆسەکەدا بکات.
