Plus4
پێش 20 کاتژمێر
ئەندامێکی ئەنجومەنی پارێزگای کەرکوک بابەتێکی ترسناک ئاشکرا دەکات
🔶 لەسەنتەری شۆردنی گورچیلە کەرەستەی بەسەرچوو بۆ تەعقیمکردنی ئامێرەکان بەرکادەهێنرێت.
🔶 پەیوەندیم بە بەڕێوەبەری گشتی تەندروستی کەرکوکەوە کردوو پێم ڕاگەیاند بەهیچ شێوازێک لەسەر ئەم کەیسە بێ دەنگ نابم.
🔶 لەم ساتەوەختەی کە ئەم پۆستە دەنووسم، هەموو ماددە بەسەرچووەکان لەناو سەنتەرەکەدا شاردرانەوە،
🔶 دەقی پۆستەی ئەحمەد کەرکوک ئەندامی ئەنجومەنی پارێزگا:
بەڵگەی یەکلاکەرەوە لەسەر بەکارهێنانی کەرەستەی بەسەرچوو بۆ تەعقیمکردنی ئامێری شۆردنی گورچیلە لە سەنتەری هیوا لە کەرکوک!
ڤیدیۆکە بە تایبەتی ئەمڕۆ هەینی تۆمارکراوە، بەڵام بۆ پاراستنی ئەو کارمەندە بەڕێزەی کە هەرگیز ئامادە نیە ژیانی خەڵک بخاتە مەترسییەوە، تەنها چەند وێنەیەکی بڵاو دەکەمەوە.
دوای چاودێریکردنێکی ورد دەرکەوت کە زانیاریەکان ڕاست و دروستن.
با بۆتان شی بکەمەوە
لەدوای ٢٢ جار شۆردنی گورچیلە، یان هەموو هەینییەک لە کۆتایی ڕۆژەکە یان کۆتایی هاتنی شۆردنەوەی گورچیلەبۆ سەرجەم نەخۆشەکانی سەنتەرەکە ئامێرەکانی شۆردنی گورچیلە بە مادەی کلین کارت A تەعقیم دەکرێن، و ڕاستەوخۆ دوای ئەوە بە کلین کارت C تەعقیم دەکرێن ، کلپن کارتی A دوو مانگ لەمەوبەر بەسەرچووە، ئەمەش ئەوە دەسەلمێنێت کە ئامێرەکان بە باشی تەعقیم ناکرێن و دەبێتە هۆی بڵاوبوونەوەی نەخۆشی لە نێو نەخۆشەکاندا، بەو پێیەی هەر ئامێرێکی شۆردنی گورچیلە ڕۆژانە بەلایەنی کەمەوە مامەڵە لەگەڵ سێ نەخۆشدا دەکات.
با زیاتر بۆتان شی بکەمەوە:
"کلین کارتی A " ئەو کارتجەیە کە بۆ پاککردنەوە و تەعقیمکردنی ئامێری شۆردنی گورچیلە بەکاردێت، ئەگەر کارتەکە بەسەرچوو، بەهیچ شێوازێک نابێت لەسەر ئامێری شۆردنی گورچیلە بەکاربهێنرێت، چونکە ماددە کیمیاییەکان یان فلتەرەکانی ناو کلین کارتەکە دوای بەرواری بەسەرچوون کاریگەرییان خۆیان لەدەست دەدەن، بۆی هەیە ئەنجامی تەعقیمکردن یان پاککردنەوەی تەواو نەدات، بەم شێوەیە نەخۆشەکە بەرەوڕووی مەترسی هەوکردن یان پیسبوونی ئامێرەکە دەبێتەوە، کۆمپانیاکانی بەرهەمهێنانی کلین کاردەکانیش دوای بەرواری بەسەرچوون گەرەنتی سەلامەتی خۆیان ناکەن، پێویستە کارتێکی نوێ لە ماوەی بەسەرچوونیدا بەکاربهێنیت و کارتی بەسەرچوو بە پێی ڕێنماییەکانی کۆنترۆڵکردنی هەوکردن فڕێبدەیت.
ئەمڕۆ دوای ئەوەی ڕاستیەکانم بۆ دەرکەوت ڕاستەوخۆ پەیوەندیم بە بەڕێوەبەری گشتی تەندروستی کەرکوکەوە کردوو پێم ڕاگەیاند بەهیچ شێوازێک لەسەر ئەم کەیسە بێ دەنگ نابم و پێویستە بەزووترین کات ڕێکاری یاسایی دژ بە سەرپێچیکاران بگیرێتەبەر، وەک ئەندامی ئەنجومەنی پارێزگا، شایەتحاڵ و چاودێرین بەسەر ئەم کەیسەوە.
بۆ زانیاریتان، لەم ساتەوەختەی کە ئەم پۆستە دەنووسم، هەموو ماددە بەسەرچووەکان لەناو سەنتەرەکەدا شاردرانەوە، بەڵام بەڵگەی یەکلاکەرەوەمان لەبەردەستە بۆ سەلماندنی ئەوەی کە وتوومانە و شاردنەوەی ڕاستییەکان هیچ بەهانایانەوە ناچێت.
