Plus4
پێش 4 کاتژمێر
🔻پارتی سێ پاسەوانی ئەدهەم بارزانی دەستگیرکرد
نوسینگەی ئەدهەم بارزانی بڵاویکردوەتەوە، سێ پاسەوانی ئەدهەم بارزانی لەگەڵ دۆستێكیان لە بازگەی هیران و نازەنین دەستگیركراون.
بەپێی راگەیەندراوێکی نوسینگەی ئەدهەم بارزانی ، دوێنێ شەممە ژمارەیەک لەو کەسانەی کە لەگەڵ ئەدهەم بارزانی وەک پاسەوان دەوام دەکەن لەگەڵ دۆستێکی ئەوان کە سەرجەمیان چوار کەس بون لە پارێزگای سلێمانییەوە گەڕاونەتەوە بۆ قەزای سۆران و دەڤەری هەریر، لە کاتژمێر ١:٣٠ی خولەکی پاشنیوەڕۆی دوێنێوە تا درەنگی شەوی ڕابردو بێسەر و شوێن بون.
ئاماژەی بۆ ئەوەشکردووە، بەپێی هەندێ سەرەداو بۆیان دەرکەوت لە بازگەی هیران و نازەنینی ئەو بازگەیەی کە باشوری کوردستانی کردوە بە دو پارچە لە نزیک شەقڵاوە دەستگیرکراون و موبایلەکانیان داخراون و پاشان بۆ ئاسایشی گشتی لە هەولێر گواسترانەوە و دەستبەسەرکراون.
سەبارەت بەهۆکاری دستگیرکردنیان دەڵێت، بەو بەهانەیە بوە کە پێشتر لیژنەی ناوچەکانی حیزبی دەسەڵات بە ئەوانی وتوە سەردانی سلێمانی و شێخ ئەدهەم بارزانی نەکەن بەم تاوانە گەورەیە گیراون.
ناوی دەستگیرکراوەکان:-
١- فايق سوفي خدر
٢-مروان ئەسكندر ئەحمەد
٣-نیهاد ئەحمەد محەمەد
٤-شوان نیعمەت حسين
