Plus4
پێش ٢ کاتژمێر
مەسعود بارزانی: ئێمە شتێكی زیاتر لەدەستوورمان داوا نەكردووە بەڵام بەكەمتریش لەوە ڕازی نابین
مەسعود بارزانی ڕایگەیاند: ئێمە دەمانەوێت دەستوور جێبەجێبکرێت، ئێمە شتێکی زیاتر لەچوارچێوەی دەستوورمان داوا نەکردووە، بەڵام بەکەمتریش لەوە ڕازی نابین کە دەستوور بەگەل و هەرێمی کوردستانی داوە.
مەسعود بارزانی، سەرۆکی پارتی دیموکراتی کوردستان، لەمیانەی کۆبوونەوەی لەگەڵ كریستیەن هۆهمەن، باڵیۆزی ئەڵمانیا لەعێراق ڕایگەیاند: لەپەیوەندییەکانی هەرێم و بەغدا، گەڕانەوە بۆ پرەنسیپەکانی تەوافوق و تەوازن و شەراکەت باشترین چارەسەرەو ئێمە دەمانەوێت دەستوور جێبەجێبکرێت.
وتیشی: ئێمە شتێکی زیاتر لەچوارچێوەی دەستوورمان داوا نەکردووە، بەڵام بەکەمتریش لەوە ڕازی نابین کە دەستوور بەگەل و هەرێمی کوردستان داوە.
