Plus4
پێش 19 کاتژمێر
قاسم ئەعرەجی: هێزی هەرێم هێزی عێراقەو ئەوانەی هێرشەکانیان ئەنجامداوە سزادەدرێن
قاسم ئەعرەجی؛ ڕاوێژكاری ئاسایشی نیشتمانیی عێراق ئاشکرایکرد: ئاسایشی هەرێمی كوردستان بەشێكی دانەبڕاوی ئاسایشی عێراقە.
ئەعرەجی؛ بەسەرپەرشتیی لیژنەیەكی تایبەتمەند، بەدواداچوون بۆ هێرشەکان دەكات و بەڵگەو ڕاستییەكان لەبارەی هێرشە درۆنییەكان بۆ سەر كێڵگە نەوتییەكانی هەرێمی کورستان كۆدەكەنەوە.
قاسم ئەعرەجی لەوبارەیەوە دەڵێت: دوای تەواوبوونی کاری لیژنەکان و ئەنجامانی لێکۆڵینەوەکان، سەرجەم بەڵگەو ڕاستییەكان دەكرێنە ڕاسپاردەو پێشكەش بە خوودی محەمەد شیاع سودانی؛ وەک فەرماندەی گشتیی هێزە چەكدارەكانی عێراق دەكرێن.
دەشڵێت: سوودانی سوورە لەسەر دەستنیشانكردنی ئەو لایەنانەو سزادانیان، بۆیە دەبێت هێرشكەرانی سەر كێڵگە نەوتییەكانی هەرێم بەسزای خۆیان بگەن.
ڕاوێژكاری ئاسایشی نیشتمانیی عێراق لەكۆنگرەیەكی ڕۆژنامەوانیشدا دەڵێت: ئەو هێرشانە زیان بەناوبانگ و ئابووریی عێراق دەگەیەنێت، دڵنیاییدەدەن هێزی هەرێم، هێزی عێراقە.
ڕوونیشیکردەوە: دەبێت ئەو هێرشبەرانە بەسزای خۆیان بگەن، ئێمە ئیدانەی ئەو هێرشانە دەكەین، چ لەنێو هەرێم یا بن یا لەدەرەوەی.
