Plus4
پێش 10 کاتژمێر
🔻ئیسڕائیل سوریای شۆک کردو دیمەشقی بەچڕی بۆردومانکرد
لەدوای نیوەڕۆی ئەمڕۆوە هێزی ئاسمانی ئیسڕائیل هێرشی چڕو بەهێزی بۆ سەر دیمەشقی پایتەختی سوریا دەستپێکرد.
بەپێی ئاژانسەکانی هەواڵ، ئیسڕائیل بینای وەزارەتی بەرگری و دەستەی ئەرکان و کۆشکی کۆماری سوریای لە دیمەشق بۆردومان کردووە.
هەندێک سەرچاوەش باس لە کوژرانی وەزیری بەرگری سوریا دەکەن.
وەزیری بەرگری ئیسڕائیل پێش بۆردومانەکە رایگەیاند، کاتی ئاگادارکردنەوەی سوریا کۆتایی هات و لەئێستاوە بۆردومانی ئازاربەخش دژی دەسەڵاتی دیمەشق دەستپێدەکات.
بۆردومانەکانی ئیسڕائیل دوای هێرشە بەرفراوانەکەی هێزە ئەمنییەکانی سوریا دێت بۆ سەر درۆزەکان لە پارێزگای سوەیدا و هەوڵی دیمەشق بۆ کۆنتڕۆڵکردنی تەواوی پارێزگاکە.
