plus4
پێش 13 کاتژمێر
وەزارەتی سامانە سروشتییەکان لەسەر هێرشە درۆنییەکان هاتە وەڵام و بەهێرسی تیرۆریستی ناویدەبات
وەزارەتی سامانە سروشتییەکان ڕاگەیاندراوێکی لەبارەی هێرشە درۆنییەکانی بەیانیی ئەمڕۆ بۆ سەر کێڵگە نەوتییەکان بڵاوکردەوەو بەهێرشی تیرۆریستی ناوی بردن.
سەر لەبەیانی ئەمڕۆ لەڕێگەی درۆنی بۆمبرێژکراوەوە ژمارەیەک هێرشی تیرۆریستی کرانەسەر کێڵگەکانی نەوتی تاوکێ و پیشخابوورو عەین سفنی لەئیدارەی سەربەخۆی زاخۆو قەزای شێخانی سەر بەپارێزگای دهۆک.
هەرچەندە هێرشەکان زیانی گیانییان نەبووە، بەڵام زیانێکی زۆر بە ژێرخانی کێڵگەکان کەوتووە.
مەبەست لەهێرشەکان بۆ لێدانی ژێرخانی ئابووری هەرێمی کوردستان و دروستکردنی مەترسییە لەسەر سەلامەتیی کارمەندانی مەدەنی کەرتی وزە.
داوا لەسەرجەم لایەنە پەیوەندیدارەکان لەحکومەتی فیدراڵی و کومەڵگەی نێودەوڵەتی دەکەین بەزووترین کات بێنە سەرخەت بۆ پاراستنی گیانی کارمەندانی مەدەنی و ئەمنیەتی وزەو ڕێگریکردن لەهێرشی تر بۆسەر کەرتی وزەی کوردستان
هەموو هەوڵێکی خۆمان بۆ پاراستنی گیانی کارمەندانی کەرتی وزەو پێگەی ستراتیجی خۆی لەدابینکردنی سەقامگیری وزە لەناوچەکەو جیهان دەخەینەگەڕ.
