plus4
پێش 5 کاتژمێر
بافڵ جەلال تاڵەبانی پەیامێكی بەپەلە بڵاودەكاتەوە
چەكدانانی گەریلا لە پارێزگای سلێمانی هەنگاوێكی مێژووییە، بۆ دەستپێكی قۆناغێكی نوێ لە باكووری كوردستان و توركیا لە رێگەی دیالۆگ و ئاشتییەوە.
یەكێتیی نیشتمانیی كوردستان باوەڕی تەواوی بەوە هەیە كە خوێنڕشتن كێشەكان قوڵتر دەكاتەوە و ئێستا سەردەمی بێدەنگكردنی چەكەكان و چوونە سەر مێزی گفتوگۆیە بۆ بەدەستهێنانی مافە رەواكانی هەموو لایەك.
ئێمە لە كاتێكدا لە هەوڵەكانمان بۆ سەرخستنی پرۆسەی ئاشتی بەردەوام دەبین، شانازیش دەكەین بەوەی كە ئەو بناغە ئاشتییەی یەكەمجار سەرۆك مام جەلال دایڕشت ئەمڕۆ جێبەجێ دەكرێت.
هیوادارین ئەم هەنگاوە ببێتە دەستپێكی قۆناغێكی نوێ لە ئاساییكردنەوەی پەیوەندیی نێوان لایەنەكان و كاریگەریی راستەوخۆی لەسەر پتەوكردنی سەقامگیریی هەرێمی كوردستان هەبێت.
بافڵ جەلال تاڵەبانی
سەرۆكی یەكێتیی نیشتمانیی كوردستان
