فەهمی فایەق
پێش هەفتەیەک
ئەمەوێت دەست بخەمە سەر ئەو خاڵەی زۆر گرنگە بۆ كورد و لەناو كوردا بۆ پارتی كە ڕابەرایەتی دۆزی كورد دەكات بەتایبەتی لەناو ئەنجومەنی نوێنەرانی عێراق و پۆستە حكومی و ئەمنی و خزمەتگوزارییەكان كە خۆیان لە دەیان پۆستی سیادی و وەزیر و جێگری وەزیر و بەڕێوەبەری گشتی دەبن لەناو حكومەتی عێراقدا.
جێگەی داخە ئەمە دەڵێم تاكو ئێستە هیچ كامێك لەو پۆستانە نەیان توانیوە ببنە فاكتەرێك بۆ چارەسەری ئەو سەدان كێشەیەی نێوان هەرێم و عێراق، كورد پتوانێت سود لەو پۆستانە وەربگرێت ئەم لاوازیەش دەگرێتەوە بۆ ئەوەی ئەم نوێنەرانە یا كەمتەرخەمن یان نەشارەزان یاخود بەمەبەست و بۆ دەستكەوتی شەخسی وادەكەن.
بەدڵنیایی من مەبەستم هەموویان نيیە بەڵكو لەدوای ڕوخانی ڕژێمەوە و لەدوای ئەوەی سەرۆك بارزانی و خوا لێخۆشبوو مام جەلال توانیويانە ڕۆڵی كورد و پێگەی كورد لەعێراقی نوێدا دیاری بكەن كۆمەڵێك نوێنەر و كارەكتەری چاو نەترس و یاساناس و ڕابردوو پاك دەستنیشان كران بۆ بەڕێوەبردنی ئەو پۆستانەی كە مافی كورد بوون لەعێراقدا، بۆ نمونە لەسەردەمی خوا لێخۆش بوو ، دكتۆر ڕۆژ نوری شاوەیس ، كاك وشیار زێباری و بابەكر زێباری و دكتۆر بەرهەم ساڵەح و دكتۆر فواد مەعسوم كاتێك سەرۆكی لیستی هاوپەیمانی بوو لەپەڕلەمانی عێراق و كاك عارف تەیفور ، سەلام خۆشناو ،چەندین كەسی تریش، كە ئەم كارەكتەرانە خۆیان و پێگەكانیان خستبوە خزمەتی و هەرێمی كوردستان و مافەكانی خەڵكی هەرێمەوە.
كۆمەڵێك كەسی ترسنۆك و گەندەڵ كران بەنوێنەری كورد
بۆیە دەبێت بۆ ئەم جارە كورد و بەتایبەتی پارتی دەستی ئەو خەڵكە بێ مۆڕاڵ و گەندەڵ و بێ كەفائەتانە لە بەغداد ببڕێت
بۆیە دەبێت بۆ ئەم جارە كورد و بەتایبەتی پارتی دەستی ئەو خەڵكە بێ مۆڕاڵ و گەندەڵ و بێ كەفائەتانە لە بەغداد ببڕێت و لەبری ئەوان كاندید چ پۆ پەڕلەمان و چ بۆ پۆستە حكومیەكان خەڵكی ڕابردوو پاك و دەست پاك و بە جورئەت بنێرێتە عێراق بۆ ئەوەی ئەم كێشانەی ئێستە دووبارە نەبنەوە لەسەروی هەموشیەوە كادری حزبەكان بێزار بوون لە دەمووچاوی دووبارە.
