Plus4
پێش ٢ ڕۆژ
ئەنجومەنی وەزیرانی هەرێم بەفەرمی بڕیاریدا مامەڵەكردن لەگەڵ كۆمپانیاكانی ئاڵوگۆڕی ئەلیكترۆنی (فۆڕێكس) بەتەواوی قەدەغەبكات.
بەپێی نووسراوێكی ئەنجومەنی وەزیرانی هەرێم بەواژۆی د. ئومێد سەباح؛ سەرۆكی دیوانی ئەنجومەنی وەزیرانی هەرێمی لەسەرەو دەڵێت: لەپێناو بەرژەوەندیی گشتی و پاراستنی موڵك و ماڵی هاووڵاتیان، سەرۆكایەتیی دیوانی ئەنجومەنی وەزیران مامەڵەكردنی لەگەڵ كۆمپانیاكانی ئاڵوگۆڕی ئەلیكترۆنی ( فۆڕێكس) قەدەغەدەكات.
لەنووسراوەكەدا ئەوەش هاتووە، سەرۆكایەتیی ئەنجومەنی وەزیران، وەزارەتی ناوخۆو سەرجەم لایەنە پەیوەندیدارەكانی ڕاسپاردووە بەپێكهێنانی لیژنەیەك بۆ داخستنی سەرجەم ئەو كۆمپانیایانەی لەبوواری ئاڵۆگۆڕی ئەلیكترۆنی (فۆڕێكس) لەژێر ناوی جۆراوجۆردا كاردەكەن.
