plus4
پێش ٢ ساڵ
هودا قەتان خاوەن براندی هودا بیوتی بۆ مەیكاپ و جوانكاری، ئەمساڵ 2022 لەریزبەندی 69ی لیستی سەد ژنە دەوڵەمەندی ئەمریكادا هات، براندەكەشی لەریزبەندی شەشەمدایە.
بەپێی راپۆرتێكی فۆرپس میدڵ ئێست، هودا قەتان، سامانەكەی بە 400 ملیۆن دۆلار دەخەمڵێندرێت ئەگەرچی بەراورد بەساڵی رابردوو 90 ملیۆن دۆلار كەمی كردووە، بەڵام توانیوێتی لەریزبەندی خۆیدا بمێنێتەوە وەك 69مین ژنە دەوڵەمەندی ئەمریكا.
كیم كارداشیان وەك ئەستێرەی تەلەفزیۆنی و خاوەن كار، له‌ریزبه‌ندی یه‌كه‌می لیسته‌كه‌دایه وه‌ك ده‌وڵه‌مه‌ندترین ژن له‌ئه‌مریكا كه سەرمایەكەی بە یەك ملیار و 8 ملیۆن دۆلار دەخەمڵێندرێت.
هودا قەتان، تەمەن 38ساڵ، بەرەچەڵەك خەڵكی عێراقە بەڵام لە ئۆكلاهومای ئەمریكا گەورەبوە و پسپۆری بواری جوانكاری كچانە.
ساڵى 2013 لەگەڵ خوشكێكیدا براندێكیان بەناوی ( هودا بیوتی ) دامەزراند، سەرەتا لەفرۆشتنی برژانی چاو، دواتر كەلوپەلی جوانكاری زیاتریان هێناو پەرەیان بەكارەكەیاندا، ئێستا بەشێك لە ئەستێرەو كەسایەتيیە ناسراوەكانی جیهان براندەكەی ئەو ژنە عێراقیە بەكاردەهێنێت.
