plus4
پێش ڕۆژێک
زاگرۆس هیوا وتەبێژی پەیوەندییەکانی دەرەوەی کۆما جڤاكێن کوردستان (کەجەکە)
بڕیارەکانی کۆنگرەی ١٢ ستراتیژی ئەم سەردەمە دیاری دەکەن، دانوستان بۆ پرۆسەی ئاشتی هێشتا دەستی پێنەکردووە.
هێشتا هەردوولا لەسەر ناوی پڕۆسەکە هاوڕا نین.
دەوڵەتی تورکیا هێشتا دەستەواژەی تیرۆر بۆ پرۆسەکە بەکاردەهێنێت، چۆن دەتوانیت لە لایەک باسی ئاشتی بکەیت و لە لایەکی تریش زمانێک بەکاربهێنیت کە هەست و دەرون و ویژدانی گەلی کورد بریندار دەکات.
بۆ ئەوەی پرۆسەیەک بە ناوی ئاشتی دەستپێبکات پێویستە سەرەتا زیهنییەتی دەوڵەتی تورک بگۆڕدرێت کە کورد وەک تیرۆرست دەبینێت.
کەس باسی دانان و ڕادەستکردنی چەکی نەکردووە، چونکە ئێستا زەمینەی ئەوە لە ئارادا نییە.
هێشتا تورکیا لە هێرشەکانی دژی گەریلا بەردەوامە، هێشتا تونێل و سەنگەرەکانی بەرخۆدان لە زاپ و مەتینا لە لایەن دەوڵەتی تورکیا و پەدەکەوە گەمارۆدراون.
مەودای نێوان گەریلاکانی ئازادی و سەربازانی تورک ٥٠ بۆ ١٠٠مەترە، لەدۆخێکی وەهادا چۆن دەبێت مرۆڤ چەک دابنێت.
بەر لەوەی باسی دانانی چەک بکەین پێویستە باسی پاشەکشێی سوپای داگیرکەری تورک لەسەر خاکی باشووری کوردستان بکەین.
هەموو تێکۆشانییەکمان بۆ ئازادی جەستەیی ڕێبەر ئاپۆیە کە مەرجی سەرکەوتنی پرۆسەیەکە.
پێویستە ڕێبەر ئاپۆ بە جەستەیی ئازاد بکرێت و لە کەشێکی ئازادانە و تەندروستدا کاربکات خەبات بکات بۆ سەرخستنی ئەم پرۆسەیە.
ڕێبەر ئاپۆ و پ⁰کـ⁰ک⁰ش لە ٢٧ـی شوباتەوە تاوەکو ئێستا سێ جار نیازپاکی خۆیان ڕاگەیاندووە و هەنگاوی تاکلایەنەیان ناوە،
ئەگەر بەڕاستی دەوڵەتی تورکیا ئاشتی دەوێت پێویستە ڕژێم، گۆشەگیری و ئەشکەنجەی ئیمڕاڵی بەتەواوی هەڵبوەشێنێتەوە.
هەموارکردنی یاسایی و دەستوری بکات بەشێوەیەک کە کورد مافی هاوڵاتی یەکسان و ئازادی هەبێت لە تورکیادا و وەک پلەدوو سەیر نەکرێت.
