plus4
پێش هەفتەیەک
جومانە غەلای، وتەبێژی كۆمیسیۆنی باڵای سەربەخۆی هەڵبژاردنەكان لە عێراق ڕایگەیاند: ڕێگەنادرێت هیچ كەسێك تۆماری دەنگدانی خۆی بۆ كەركوك بگوازێتەوە.
جومانە غەلای لەكۆنگرەیەكی ڕۆژنامەوانیدا وتی: بۆ هەڵبژاردنی ئەنجومەنی نوێنەرانی عێراق، 29 ملیۆن هاووڵاتیی مافی دەنگدانیان هەیە، كە یەك ملیۆن دەنگدەریان ئەوانەن كە بۆ یەكەمجارە دەتوانن دەنگبدەن.
غەلای وتیشی: قۆناغی نوێكردنەوەو تۆماری دەنگدەران دەستیپێكردووە، بۆ ئەو مەبەستە لەسەرانسەری عێراقدا هەزارو 70 بنكە كراونەتەوە.
ناوبراو ئاشكراشیكرد: لەسەر هەر دەنگدەرێك پێویستە ناو و داتاكانی لە لیستی دەنگدەراندا نوێبكاتەوەو دڵنیاببێتەوە لێی.
جومانە غەلای، سەبارەت بەگواستنەوەی تۆماری دەنگدەران لەپارێزگایەكەوە بۆ پارێزگایەكی تر ئاشكرایكرد: تەنها ڕێگە بەگواستنەوەی تۆماری دەنگدان بۆ پارێزگای كەركوك نادرێت.
