plus4
پێش هەفتەیەک
دەستەی حەج و عومرەی عێراق ڕایگەیاند: مەرجی سنورداركردنی تەمەنی حاجیان لەلایەن وڵاتی سعودییەوە، بۆ سەرجەم وڵاتانی موسوڵمانە لەجیهاندا.
لەوبارەیەوە ئەمڕۆ دەستەی باڵای حەج و عومرەی عێراق لەڕاگەیاندراوێكدا دەڵێت: لەماوەی ڕابردوودا سعودیە، هەمیشە كاری لەسەر گرنگیدان بە بەساڵاچووان كردووە لەپێدانی كورسییەكانی حەج و خراونەتە پێشەوە، بەڵام بڕیارەكەی ئەم دواییەی سعودیە چاوەڕوان نەكراو بوو، بۆیە ناچارن بەپێی یاسا پابەندی بڕیارەكەبن.
چەند ڕۆژێك بەر لەئێستادا، دەستەی حەج و عومرەی سعودیە ڕایگەیاند: مەرجی تەمەن بەسەر حاجییاندا جێبەجێدەكەین و بەگوێرەی ڕێكارە نوێیەكان نابێت حاجیانی بەتەمەن و ئەوانەی تەمەنیان لەسەروو حەفتا ساڵەوەیە فەریزەی حەج ئەنجامبدەن.
بەپێی داتاكان، لەهەموو عێراق تەنیا ٧٪ـی ئەو كەسانەی تەمەنیان سەروو ٧٠ ساڵە، دەتوانن حەج بكەن، بەڕێوەبەرایەتیی گشتیی حەج و عومرەی هەرێمیش دەڵێت: ئەمساڵ لەهەرێمی كوردستان، لەكۆی ئەو كەسانەی تەمەنیان سەروو ٧٠ ساڵە، تەنیا ٣٥٨ یان دەتوانن فەریزەی حەج ئەنجامبدەن و ئەوانیتر دواخستنی ناچارییان بۆ دەكرێت بۆ حەجی ٢٠٢٦.
