plus4
پێش ٢ هەفتە
کەشناسیی هەرێمی کوردستان پێشبینییەکانی بۆ کەشوهەوالی چەند رۆژی داهاتوو بڵاوکردەوەو بەپێی پێشبینییەکانیش، لە سبەینێوە شەپۆلێکی بارانبارین هەرێمی کوردستان دەگرێتەوە.
ئاماژەی بۆ ئەوەشکردووە، ئەمڕۆ دووشەممە ئاسمان بەگشتی نیمچە هەور دەبێت و پلەی گەرمی نزم دەبێتەوە.
هاوکات، ئاسمان لە نیمچەهەورەوە بۆ هەوری تەواو دەگۆڕێت، لە کاتەکانی ئێوارەدا دابارین بەشێوەی نمەباران لە ناوچەکانی رۆژئاوای هەرێم دەست پێ دەکات، پاشان کاریگەرییەکەی درێژ دەبێتەوە بۆ ناوچە سنووریەکانی باکوور لەگەڵ کەمێک بەفربارین.
رونیشیکردوەتەوە، لە کاتەکانی درەنگانی شەودا نمەباران زۆربەی ناوچەکانی هەرێم دەگرێتەوە، کە هەندێکجار هەورە بروسکە و تاوەبارانیشی لەگەڵدا دەبێت، بەتایبەت لە ناوچە شاخاوییەکان.
راشیگەیاندووە، سبەینێ پلەکانی گەرما نزیکەی 2 بۆ 4 پلەی سیلیزی بەراورد بە تۆمارکراوەکانی ئەمڕۆ نزمتر دەبنەوە، بەتایبەتیش لە ناوچە شاخاوییەکاندا.
بەرزترین پلەکانی گەرمای پێشبینیکراو بە پلەی سیلیزی:
هەولێر: 27 پلەی سیلیزی
سلێمانی: 22 پلەی سیلیزی
دهۆک: 22 پلەی سیلیزی
کەرکوک: 28 پلەی سیلیزی
زاخۆ: 23 پلەی سیلیزی
هەڵەبجە: 23 پلەی سیلیزی
سۆران: 24 پلەی سیلیزی
حاجی ئۆمەران: 12 پلەی سیلیزی
گەرمیان: 27 پلەی سیلیزی
