ئاژانسی هەواڵی plus4
پێش مانگێک
محەمەد شیاع سودانی سەرۆک وەزیرانی عێراق ڕایگەیاند: فەرمان ئاراستەی سەرجەم پارێزگارەکان دەکات بۆ ئەوەی هۆکاری ڕاستەقینە و ئەرێنییان هەبێت بۆ ڕاگرتنی دەوامی فەرمی بەگشتی و لەکاتی گۆڕانی کەشوهەواو بەتایبەتی ڕاگەیاندنی پشوو بۆ قوتابخانەو خوێندنگەکان.
سودانی ئاماژەی بۆ ئەوەش کرد: پێویستە گرنگی بدرێت بە تەرخانکردنی کاتی پێویست و زیاتر بۆ تەواوکردنی مەنهەجی خوێندن و پابەندبوون بە کاتە تەرخانکراوەکانی بۆ تەواوی ئەو ماوە دیاریکراوەی بۆ خوێندن لەنێو ساڵەکەدا تەرخانکراوە.
وتیشی: ناکرێت بێ پشت بەستن بە زانیاریی پێشوەختە لەبارەی کەشوهەواوە، بڕیاری پشوو بدرێت و دەوامی خوێندنگەکان پەکبخرێت، راگەیاندنی پشوی دەوامی سەرتاسەری لەهەر پارێزگایەک پێویستە هۆکاری راستەقینە هەبێت.
