plus4
پێش مانگێک
ئه‌حمه‌د شه‌رع سه‌رۆكی ڕاگوزه‌ری سوریا له چاوپێكه‌وتنێكدا له‌گه‌ڵ پۆدكاسته‌كه‌ی (The Rest of Politics ) ڕایگه‌یاند : رۆیشتنی بۆ عێراق کاتی خۆی و په‌یوه‌ندیكردنی به ڕێكخراوی قاعیده به ئامانجی به‌ده‌ستهێنانی ئه‌زمون و به‌رگریكردن له خه‌ڵكی عێراق بو، هه‌روه‌ها دژی ئه‌و شه‌ڕه تائیفییه بوه كه له‌و سه‌رده‌مه‌دا له عێراقدا هه‌ڵگیرسابو.
ئه‌حمه‌د شه‌رع له چاوپێكه‌وتنێكدا له‌گه‌ڵ پۆدكاسته‌كه‌ی "The Rest of Politics"، رایگه‌یاند، بە هۆی بێ توانایی و بێ ئەزمونیمان بڕیارمدا بچمه هه‌ر شوێنێك كه بتوانم ئه‌زمون به‌ده‌ستبهێنم .
راشیگەیاند كاتی هاتنەکەم هاوكات بو له‌گه‌ڵ سه‌ره‌تاكانی هاتنه ناوه‌وه‌ی هێزه‌كانی ئه‌مریكا بۆ عێراق و كاردانه‌وه‌ی گه‌وره‌ی عه‌ره‌بی و ئیسلامی له دژی ئه‌م ده‌ستێوه‌ردانه‌دا هه‌بو، دو ئامانجی سه‌ره‌كیم له رۆیشتن بۆ عێراق هه‌بو، یه‌كه‌میان به‌ده‌ستهێنانی ئه‌زمون بو به بینینی شه‌ڕێكی ته‌واو، دوه‌میان به‌رگریكردن بو له خه‌ڵكی عێراق .
سه‌باره‌ت به زیندانیكردنه‌كه‌شی له عێراق ده‌ڵێت به زیندانه‌كانی ئه‌بوغرێب و بوكا، پاشان كرۆپه‌ر، پاشانیش تاجی تێپەڕیوم ، له‌و ماوه‌یه‌دا هۆشیاریم زیادی كرد و تێبینیم كرد كه جیاوازییه‌كی گه‌وره له پێكهاتنی كه‌سایه‌تی خۆمدا هه‌یه .
