![]hua](/upload/629dea2432f33.jpg)
plus4
پێش ٢ ساڵ
دژەتیرۆری عێراق بەهەماهەنگی لەگەڵ هەردوو دەزگای دژەتیرۆری سلێمانی و هەولێر ژمارەیەك سەركردەی دیاری داعشیان دەستگیركرد، لەراگەیاندراوێكیشدا دەڵێت " ئەم سەركەوتنانە بەرهەمی كاری هاوبەشی و پێكەوەییە ."
دەستگیركراوەكان بریتین لە:
1/ ئەبو محەمەد، بەرپرسی مەلەفی كوژرا و دەستگیركراوانی ناوچەی دیجلە ( سەڵاحەدین و شرگات ).
2/ تیرۆریست ( م.ع ) یەكێك لەداواكراوە سەرەكییەكان كە پۆستێكی باڵای لەنێو گروپەكەدا هەیە و نیشتەجێی هەولێر بوو، بەهەماهەنگی لەگەڵ دژەتیرۆری هەولێر دەستگیركرا.
3/ یاریدەدەری ئەمیری سەربازی ناوچەی فەلاحات - فەلوجە ناسراو بە ( ئەبو ئایە ) بەهەماهەنگی لەگەڵ دژەتیرۆری هەولێر دەستگیركرا.
4/ بەرپرسی حەشارگەكانی ناوچەی زەوبەع لەباشوری عێراق، بەهەماهەنگی لەگەڵ ئاسایشی سلێمانی دەستگیركرا.
5/ تیرۆرست ( ئەبو فەهد ) ئەنجامدەری تەقینەوەكەی باكوری بابل بەهەماهەنگی لەگەڵ ئاسایشی سلێمانی دەستگیركرا.
6/ تیرۆرست ( ر.ر ) كە لەسەربازگەكانی ویلایەتی فەلوجە كاری دەكرد دەستگیركرا.
