plus4
پێش ٢ مانگ
کەمێک بەر لەئێستا، وەزارەتی پەروەردەی عێراق بەفەرمی سەبارەت بە درێژکردنەوەی پشووی نیوەی ساڵی قوتابخانەو خوێندنگەکان بڕیاریدا.
بەپێی نوێترین بڕیارەکەی، وەزارەتی پەروەردە درێژکردنەوەی پشووی نیوەی ساڵی هەڵوەشاندەوەو ڕایگەیاند: پشووی نیوەی ساڵی قوتابخانەو خوێندنگەکان درێژ ناکرێنەوەو لەکاتی خۆیدا، واتا لەڕۆژی چوارشەممە 2025/2/5 دەوامی فەرمی سەرجەم قۆناغەکانی خوێندن دەستپێدەکاتەوە.
لەوبارەیەوە کەریم سەید وتەبێژی وەزارەتی پەروەردەی عێراق بەئاژانسی هەواڵی عێراقی ڕاگەیاند: وادەی دەستپێکردنەوەی دەوامی فەرمی دوای پشووی بەهار دیاریکراوەو هیچ گۆڕانکارییەکی تێدا ناکرێت.
ئەمە لەکاتێکدایە مەحمود قەیسی جێگری سەرۆکی لیژنەی پەروەردەی لەئەنجومەنی نوێنەرانی عێراق داوای لەوەزارەتی پەروەردە کردبوو پشووی نیوەی ساڵ تا ڕۆژی یەکشەممەی داهاتوو 2025/2/9 درێژبکرێتەوه، بەڵام وەزارەت ئەمڕۆ دوا بڕیاری خۆیدا.
