روداوی هاتوچۆ
plus4
پێش ٢ مانگ

ئێوارەی ئەمڕۆ پێنج پاسی سەر بە کۆمپانیاکانی ئیبن سیرین و باوە ئەلیاس دەروازەی عەرعەریان بەرەو ناو خاکی سعودیا تێپەڕاندووە.

یەکێک لەپاسەکان کە ٤٠ بۆ ٤٥ سەرنشینی تێدابوە، لەگەڵ ئۆتۆمبێلێکی تردا تووشی پێکدادان بوە.

بەوتەی شایەتحاڵێک، سەرنشینانی پاسەکە لەمزگەوتێکی رێگاکە نوێژی مەغریب و عیشایان بەقەسرو جەمع کردووەو 10 خولەک دواتر تووشی تووشی روداوەکە بونە.

لەروداوەکەدا عومرەکارێک بەناوی جوتیار دەستبەجێ گیانی لەدەستداوەو ژمارەیەکیش برینداربونەو بۆ نەخۆشخانە گواستراونەتەوە.

بەپێی زانیارییەکان، شۆفێرێکی ئۆتۆمبێلەکە خەڵکی کەرکوکە و بریندارە، سەرنشینەکانی دیکەش بۆ ئۆتێلێک لەعەرعەر گواستراونەتەوە.

پێشتر وا بڵاوکرایەوە گوایە ژنێکیش بەناوی "گولعوزار ." گیانی لەدەستداوە بەڵام تائێستا پشتڕاست نەکراوەتەوە.