ئاژانسی هەواڵی plus4
پێش ٢ مانگ
قاسم ئەعرەجی راوێژکاری ئاسایشی نەتەوەیی عێراق رایگەیاند: چاوەڕێ دەکرێت هێزەکانی ئەمریکا بەشێوەیەکی کتوپڕ لەباکوری رۆژهەڵاتی سوریا بکشێنەوەو ئەوەش بۆ مەترسی لەسەر کەمپ و گرتووخانەکانی ژێر دەستی هەسەدە دروست دەکات کە هەزاران چەکداری تێدایە.
وتیشی، کەمپی هۆل تەنها 12کیلۆمەتر لەسنوری عێراقەوە دوورە و خێزانی چەکدارانی داعشی تێدایە، لەساڵی 2021ـــەوە تا ئێستا بە 18 قۆناغ 2 هەزارو 860 خێزانی عێراقیمان لەکەمپەکە گەڕاندووەتەوە کە هاوسەرو منداڵی چەکدارانی د١١عشن و 11.322 کەسن و زۆربەیان تەمەنیان لە 18 ساڵ کەمترە.
ئاماژەی بۆ ئەوەشکرد کە هێشتا 16 هەزار هاوڵاتی عێراقی لەکەمپەکەدا هەیە و ئەوانەشی دەگەڕێندرێنەوە رەوانەی کەمپی جەزعە دەکرێن.
ئەعرەجی ئەوەشی وت کە تائێستا 2 هەزارو 800 هاوڵاتی عێراقیان لەگرتووخانەکانی هەسەدە وەرگرتووەتەوە کە چەکداری د١١عش بونەو دەدرێنە دادگا
